Yangiliklar

• 30/10/2024
• 161

Rektor va yoshlar uchrashuvi oʻtkazildi

Bugun, 30-oktabr kuni an'anaviy tarzda Osiyo texnologiyalar universitetining faollar zalida 1-kurs kunduzgi va sirtqi ta'lim shakli talabalari ishtirokida rektor va yoshlar uchrashuvi tashkil etildi.

Uchrashuvda Osiyo texnologiyalar universiteti rektori L.Raxmonov, Yoshlar masalalari va ma'naviy-ma'rifiy ishlar bo'yicha birinchi prorektor E. Ibragimov, Akademik va ilmiy ishlar bo‘yicha prorektor N.Xolmirzayev hamda Xalqaro aloqalar bo'yicha prorektor U.Axunjonovlar ishtirok etdi.

Ochiq muloqot tarzida o'tkazilgan uchrashuv davomida talabalar o‘zlarini qiziqtirgan barcha savollarga mas'ullar tomonidan atroflicha javob olishdi. Talabalar tomonidan bildirilgan fikr va takliflar yuzasidan mas'ul xodimlarga tegishli topshiriq hamda vazifalar belgilab berildi.

Yakunda U.Axunjonov tomonidan qiziqarli va foydali master-klass tashkil etildi. Unda talabalarga xalqaro aloqalarning ahamiyati, global miqyosda raqobatbardosh bilim va tajriba orttirish yo'llari, zamonaviy ta'lim va ilm-fan tendensiyalari haqida atroflicha tushuntirishlar berildi.