Yangiliklar

• 18/05/2024
• 279

Qashqadaryo viloyati tarixi va madaniyati davlat muzeyiga sayohat uyushtirildi

Bugun, 18-may kuni butun dunyo bo'ylab Xalqaro muzeylar kuni sifatida keng nishonlanadi. Xalqaro muzeylar kengashi (International Council of Museums) tomonidan 1977-yildagi yig‘ilishda ushbu qaror qabul qilingan.

Shu munosabat bilan Qarshi innovatsion ta'lim universitetining 2-kurs Tarix yo'nalishining sirtqi shaklida tahsil olayotgan bir guruh talaba-yoshlar Qashqadaryo viloyati tarixi va madaniyati davlat muzeyiga sayohat qilishdi.

Sayohat davomida talabalar arxeologiya, tasviriy va amaliy san’at asarlari, tarixiy hujjatlar, Qarshi shahrining tarixiy obidalari, uning kelib chiqish tarixiga oid qiziqarli ma’lumotlar va boshqa bir qator tarixiy manbalar bilan yaqindan tanishishdi.

Ushbu ekskursiya talaba-yoshlarda juda katta qiziqish va taassurot qoldirib, ularning bilim va ko‘nikmalarini yanada oshishida xizmat qiladi.